Безбедноста на учениците на прво место!

Инспектори од Одделението за превенција одржаа работилница со учениците од VI до IX одделение. Работилницата на тема „Против насилството во училиштата“ ја реализираа началникот на Одделение за превенција Ристе Самарџиев и инспектор Билјана Ѓаковска. Тие пред учениците зборуваа за тоа што е насилство, видови насилство, вандализам, малтретирање, кој може да биде жртва на насилство, справување со насилство, и како да зборуваме за насилството, механизми и регулатива. Инспекторката Билјана Ѓаковска посебно се осврна на Законот за малолетници и најчестите прекршоци кои ги прават малолетниците (задржување до доцна во ноќта надвор од домот, возење моторцикл и автомобил без дозвола и сл.) и постапно им објасни која е постапката доколку малолетник направи прекршок или кривично дело. Учениците беа љубопитни и поставуваа прашања кои беа одговарани од страна на инспекторите.