Книгата е извор на мудроста

На 03.02.2023 г. во локалната библиотека се чествуваше раѓањето на нашиот великан Гоце Делчев со пригодна програма, која беше збогатена со драматизација на расказот „Табакерата" од Ѓ. Абаџиев од страна на учениците од V-а одделение при ООУ „Св.Кирил и Методиј", под менторство на одделенскиот наставник Билјана Коџабашиева.

По овој повод, Локалната библиотека која го носи името на истоимениот херој распиша ликовно-литературен конкурс на тема „Книгата е извор на мудроста". На конкурсот учество земаа голем број на ученици од град Велес. Нашите ученички од IV-в одделение Јована Арсовска го освои првото место, а Драгана Ангелова го освои второто место, под менторство на одделенскиот наставник Јован Јовановски. Им честитаме на нашите ученички и нивниот ментор и им посакуваме и понатаму да продолжат да нижат успеси!