Меѓународниот фестивал во Ратково

Кога обичните зборови се претвараат во емоции што го допираат срцето и ја будат имагинацијата користејќи ги ритамот,  метафорите и искреноста, се добива посебна магија,  се добива поезија! Уметност што пренесува длабоки чувства, мисли и слики што го отвара умот и ја покажува моќта на зборот, на убавината, на љубовта, на успехот.  Поезијата и донесе уште еден голем успех на ученичката Ведрана Тодоровска од 7б одд. под менторство на Анита Мирчева наставник по Македонски јазик на Меѓународниот фестивал во Ратково, Р. Србија! 

Честитки и желби за следни големи успеси и достигнувања.

Нижиме успеси!

Поезијата е уметност која излегува од срцето и душата, оти за душа и срце е! Оти со неа се сонува, се љуби, се мечтае, се живее! Ученичката Ведрана Тодоровска од 7б одд. и нејзиниот ментор Анита Мирчева, наставник по Македонски јазик  -  финалисти на престижниот Шантиќев фестивал во Мостар и награда за најописна поетска творба. Поезијата ја умеат само оние со големо срце, силни мечти, чисти мисли и искрена љубов! Честитки за Ведрана и натавничката Анита.

Државни прваци!

На Рецитаторскиот натпревар организиран од СДМЈ во склоп на Државниот натпревар по Македонски јазик, ученичката Ведрана Тодоровска од 7 одд. под менторство на наставничката по Македонски јазик, Анита Мирчева го освоија првото место и се здобија со епитетот државни прваци! Честитки за заедничкиот пласман, труд и неуморност, покажани преку посветеност, речитост, енергичност и израз кој плени. Ведрана и нејзиниот ментор Анита, за највисокиот пласман добија и парична награда од СДМЈ.

Среќно во понатамошни успеси!

Кога технологијата се среќава со музиката и науката!

Кога музиката, науката и технологијата ќе се спојат - учењето станува вистинска авантура!

Денес во училница создадовме вистинска магија преку интеграција на информатиката, природните науки и музичкото образование!

Нашите ученици се претворија во мали иноватори, користејќи micro:bit уреди за да изработат своја „Банана тастатура“. Преку практична работа и експериментирање со електрични кола:

✔ Научивме како се поврзува micro:bit со звучници;

✔ Откривме кои материјали се спроводници на електрична енергија;

✔ Програмиравме сопствени музички инструменти кои свират само со допир.

Горди сме на креативноста и техничките вештини кои нашите ученици ги покажаа денес. Учењето преку игра и пракса е секогаш најзабавно!

Изложба на портрети

Денес на часевите по изборниот предмет Сликање, бевме да ја посетиме изложбата на портрети од уметникот Александар Мијак. Учениците имаа можност да се запознаат со техниката масло на платно и фото реализам како начин на сликање.