167 години културна и просветна дејност
Еднодневен научен излет за учениците од VI до IX одд.
За учениците од VI - IX одд. од нашето училиште,
беше организиран еднодневен научен излет. Излетот беше изведен со посета
на Археолошки музеј и Музеј на македонската борба за државност и самостојност. Со
посета на овие два музеја учениците можеа да ги поврзат информациите кои ги
добија и експонатите кои ги видоа со своите учени знаења од предметот историја,
географија, македонски јазик, биологија, природни науки и сл.
„Детска недела“
По повод
„Детската недела“ во ООУ„Св.Кирил и Методиј“ беше организиран свечен прием на
првачињата во Детската организација. Првачињата свечено ветија дека ќе ги
почитуваат наставниците, дека ќе учат и ќе ги решаваат сите задачи и дека ќе се
дружат со другарчињата.Секое прваче доби свој детски пасош од Сојузот за грижи
и воспитување на децата на Македонија.
ЕДНИ ОД ОСУМТЕ НАЈДОБРИ
СПОРЕД ДРЖАВНИОТ ПРОСВЕТЕН ИНСПЕКТОРАТ „ООУ СВ. КИРИЛ И МЕТОДИЈ” Е ЕДНО ОД ОСУМТЕ НАЈДОБРИ ОСНОВНИ УЧИЛИШТА ВО РЕПУБЛИКА МАКЕДОНИЈА
OOУ „Св. Кирил и Методиј” Велес е оценето со највисока оцена од страна на Државниот просветен инспекторат (ДПИ) при Министерството за образование и наука, кој веќе седум години го оценува квалитетот на училиштата во Македонија, при што највисока оцена е „многу добар“.
Тоа се прави преку интегралната евалуација, а оценката на секое училиште се дава со темелна проверка на седум подрачја, и тоа: наставни планови и програми, постигнувањата на учениците, учење и настава, поддршка на учениците, училишна клима, ресурси и управување, како и раководењето со училиштето.
Во текот на учебната 2014/15 од страна на Државен просветен инспекторат (ДПИ) извршена е 161 интегрална евалуација, а притоа оценети со највисока оцена се училиштата: „Љубен Лапе“ во Аеродром, „Гоце Делчев“ во Прилеп, „Браќа Миладиновци“ во село Миладиновци, „Наум Охридски” во село Булачани, Гази Баба, потоа „Кирил и Методиј“ во Велес, „Методи Патче“ во Охрид, „Ристо Јурков“ во Кочани како и училиштето „Партенија Зографски” во Скопје.
Како силни страни на оценетите училишта се наведуваат: зголемена примена на ИКТ во наставата, како резултат на проектот „Компјутер за секое дете“, потоа зголемен број на ученици кои учествуваат на натпревари организирани од акредитирани здруженија, а зголемена е и реализацијата на часови по физичко воспитување, што според инспекторите, е одраз на изградбата на спортски сали и опремувањето со спортски реквизити.
Македонија без отпад 2015
Учениците од ООУ„Св.Кирил и Методиј“ Велес активно се
вклучија во акцијата „Македонија без отпад 2015“, реализирајќи акција за
чистење на отпадот во дворот, собирање на пластичната амбалажа и уредување на зелените површини и
холот во училиштето. Акцијата е во организација на Министерството за животна
средина и просторно планирање и Асоцијацијата „Ајде Македонија“, а како дел од
Програмата „Интеграција на еколошката едукација во македонскиот образовен систем“.
Subscribe to:
Posts (Atom)